Mulberry-ի Աշուն-Ձմեռ 2012/2013 հավաքածուն մեծ մասամբ հիմնված է մորթու վրա: Մորթե վերարկուներ, կիսաշրջազգեստներ, բաճկոններ, զգեստներ եւ նույնիսկ պայուսակներ. այս ամենը հավաքածուին աշնանային եւ ցնցող տեսք է տալիս:
Հավաքածուն, որը հիմնականում ներկայացնում է մուգ գույնի տեսականի, ներառում է այնպիսի հագուստներ, որոնք իդեալական են սառը եղանակի համար: Որոշ հագուստներ համադրված են շարֆերի եւ գոտիների հետ: Read more »
Վալենտինոյի Նախաաշուն 2013 հավաքածուն թարմություն է բերում նորաձեւության աշխարհ: Հավաքածուում ներառված տեսականին աչքի է ընկնում ժանյակներով, ծալքավոր դետալներով:
Հավաքածուն կազմված է զգեստներից, վերարկուներից եւ կոստյումներից: Յուրօրինակ տեսք ունի կոկորդիլոսի կաշվից սեւ վերարկուն: Հավաքածուում ներկայացված են անեւ բաճկոններ, բլուզներ եւ կիսաշրջազգեստներ: Read more »
Գուչի ապրաքատեսակը ներկայացրել է տղամարդկանց հագուստի Աշուն 2013 հավաքածուն Միլանի նորաձեւության շաբաթի շրջանակներում: Նորաձեւության տունը ստեղծել է շքեղ կոստյումների, նորաոճ վերարկուների հավաքածու` աշնանային գույներով` վառ կանաչ, կարմիր եւ երկնագույն:
Հավաքածուում ներառված են բարձր օձիքով տաք սվիտերներ, որոնք համադրված են մնացած բոլոր հագուստի հետ: Հագուստի մեծ մասը զարդարված է ժանյակներով: Վերնաշապիկները նույնպես ներկայացված են վառ գույներով: Read more »
Ջիամբատիստա Վալլին մեկ այլ դիզայներ է, որը ներկայացրել է «բարձրակարգ նորաձեւություն» Փարիզի նորաձեւության շաբաթի շրջանակներում: Հավաքածուում գերակշռում են վարդագույն եւ դեղին հագուստները:
Ներառված են կարճ, միջին եւ երկար զգեստներ` հաճախ համադրված տաբատներով: Հավաքածուն բացում է գեղեցիկ վերարկուով զգեստը` կակաչանման կիսաշրջազգեստով: Read more »
Christian Dior-ի ներկայացուցիչ Ռաֆ Սիմոնսը ներկայացրել է իր երկրորդ «բարձրակարգ նորաձեւության» հավաքածուն Փարիզի նորաձեւության շաբաթի շրջանակներում: Գարուն 2013 հավաքածուն մեծ ոգեւորությամբ է ընդունվել: Դիզայները ներկայացրել է նաեւ տաբատներով կոստյումներ իր նախկին հավաքածուից: Այս տարվա հավաքածուն հիմնականում ներկայացնում է տաբատներ, նաեւ ընդգրկում է Սիմոնսի ձեռագիրը կրող երկար կիսաշրջազգեստներ:
Հավաքածուն սկսվում է մի քանի առանց գոտիների երկարափեշ զգեստներով, այնուհետեւ ցուցադրվում են սեւ կոստյումներ` կիսաշրջազգեստների, տաբատների եւ կանացի ծաղկավոր հագուստների խառնուրդ: Հավաքածուում մեծ տեղ են զբաղեցնում կոկտեյլային եւ երեկոյան զգեստները` զարդարված փոքրիկ ծաղիկներով, ուլունքներով եւ հյուսվածքներով: Read more »
Փարիզի նորաձեւության շաբաթի շրջանակնեորւմ առանձնակի տեղ է զբաղեցրել Giambattista Valli-ի Գարուն 2013 հավաքածուն: Վերջինս ներառում է նրբագեղ զգեստներ եւ կիսաշրջազգեստներ` զարդարված ծաղկավոր հյուսվածքներով եւ մանժետներով:
Հավաքածուն ներկայացնում է նաեւ կոստյումներ, տունիակներ եւ բաճկոններ: Հավաքածուի հիմնական գույներն, իհարկե, սեւը եւ սպիտակն են, սակայն ներառված են նաեւ մոխրագույն եւ կարմիր հագուստներ: Ոսկեգույնն առանձնակի հմայք է տալիս հավաքածուին : Այն ակնհայտ է նաեւ կոշիկների տեսականիում:
Յուրահատուկ աքսեսուարների սիրահարների համար հետաքրքիր անակնկալ է Lanvin Resort-ի 2013-ի զարդերի հավաքածուն: Վերջինս ներառող տեսականիում գերիշխող ոսկեգույն եւ կարմիր զարդերը առանձնակի հմայք են տալիս հավաքածուին:
2012 թ-ի աշնանը ներկայացված տարբեր չափսերի վզնոցների ոճը ակնհայտ է նաեւ ներկայիս հավաքածուում: Գրավիչ են այն մեդալիոնները, որոնք զարդարված են թանկարժեք քարերով եւ բյուրեղիկներով: Read more »
Alexander McQueen ապրանքանիշը մշտապես հանդես է եկել յուրօրինակ հավաքածուներով: Գարուն 2013 նորաձեւության ցուցադրությունն այդ առումով բացառություն չէր: Հավաքածուն ճոխ կորսետների, կիսաշրջազգեստների եւ գործվածքների համադրություն է: Ներկայացված տեսականին զարդարված է ժանյակներով, թանկարժեք քարերով եւ ձեւավորված հյուսվածքներով:
Հավաքածուի հիմնական խորհրդանիշը մեղուն է, իսկ հագուստներում կան մեղրախորիսխի նմանվող դետալներ: Հավաքածուի առաջին մասը կազմված է պիջակներից` զարդարված մեղրախորիսխի ցանցով, իսկ կիսաշրջազգեստները ներկայացված են օղակներով: Զգեստները զարդարված են ծաղիկներով, որոնք ամբողջացնում են հավաքածուի խորհուրդը: Հավաքածուում ներառված են նաեւ նույն ոճով պատրաստված պայուսակներ եւ գլխարկներ: Աքսեսուարներում եւ կոշիկներում նունպես գերիշխում է մեղրախարիսխի ոճը: Read more »
Սվարովսկի ապրանքանիշի կողմից ներկայացված Աշուն/Ձմեռ 2012/2013 հավաքածուն, որը կրում է «Զարդերի թագավորություն» անվանումը, ներառում է բազմապիսի տեսականի: Ոչ շատ վառ եւ ոչ շատ տարբեր, սակայն միանգամայն առասպելական Սվարովսկիի զարդերը կգրավեն նորաձեւության միլիոնավոր սիրահարների սրտերն ամբողջ աշխարհում: Հավաքածուն ներառում է մեծ եւ խնամքով մշակված վզնոցներ առանձնահատուկ առիթների համար եւ ավելի փոքրեր` ամենօրյա կրելու համար:
Ջահանման ականջօղերը շատ շքեղ են, սակայն դրանք առավել հարմար են հատուկ իրադարձություններին կրելու համար: Հավաքածուում ներառված ողջ տեսականին պատրաստված է Սվարովկսիի սպիտակ քարերից, որոնք շլացուցիչ տեսք են հաղորդում եւ կարող են առանձնակի տեղ զբաղեցնել ձեր զարդեղենի հավաքածուում: Read more »
Փարիզի նորաձեւության շաբաթը մոդելային աշխարհին գրավել է մեկ այլ ապրանքանիշի հավաքածուի ցուվադրությամբ. Loewe-ն ներկայացրել է Գարուն 2013 հավաքածուն: Վերջինս ընդգրկում է կաշվե հագուստներ, թավշյա հյուսվածքներ, նրբագեղ զգեստներ: Աքսեսուարների շարքում աչքի են ընկնում ձեռքի պայուսակները եւ ապարանջանները: Առավել գրավիչ են լազերային կտրվածքով կիսաշրջազգեստները, բաճկոնները եւ վերարկուները` համադրված կաշվե տոպերով եւ ժանյակներով բլուզներով: Հավաքածուում գերիշխում են սեւը եւ սպիտակը, ինչպես նաեւ կա նարնջագույն, շագանակագույն եւ կանաչ տեսականի:
Աքսեսուարները հարմար են ամենօրյա կրելու համար, քանի որ պայուսակները ձեռքին բռնելուց մինչեւ միջին չափսի են` սպիտակ, դեղնականաչավուն, դեղին գույների: Հավաքածուում ներառված են նաեւ հարթ ներբաններով կաշվե կոշիկներ: Read more »
